Nëntoger Kushtrim Derguti diplomon në Akademinë Mbretërore Ushtarake Sandhurst

Një tjetër sukses i rëndësishëm për Forcën e Sigurisë së Kosovës në rrugëtimin e saj drejt profesionalizmit dhe zhvillimit të vazhdueshëm të kuadrove ushtarake.

Nëntoger Kushtrim Derguti ka përfunduar me sukses studimet dhe është diplomuar në Akademinë Mbretërore Ushtarake Sandhurst në Mbretërinë e Bashkuar, një nga institucionet më prestigjioze të arsimit dhe trajnimit ushtarak.

Gjatë këtij rrugëtimi, Nëntoger Derguti është përballur me sfida të shumta, duke zhvilluar më tej aftësitë profesionale, lidershipin, disiplinën dhe gatishmërinë për të marrë përgjegjësi të reja në shërbim.

Diplomimi në Sandhurst shënon përfundimin e një kapitulli të rëndësishëm dhe fillimin e një përgjegjësie edhe më të madhe në shërbim të vendit dhe paqes në botë, njofton FSK. /2LONLINE/