Nënshkruhet Memorandumi i Bashkëpunimit ndërmjet Komunës së Gjilanit dhe Rrjetit të Grave të Kosovës

Në emër të Komunës së Gjilanit, Drejtoresha e Shëndetësisë dhe Mirëqenies Sociale, Mimoza Kadriu Qerimi, së bashku me Kryetaren Ekzekutive të Rrjetit të Grave të Kosovës, Nicole Farnsworth, nënshkruan Memorandumin e Bashkëpunimit me qëllim forcimin e bashkëpunimit institucional në parandalimin dhe adresimin e dhunës në familje dhe dhunës me bazë gjinore.

Ky memorandum synon fuqizimin e Mekanizmit Koordinues Lokal për Mbrojtje nga Dhuna në Familje, ngritjen e kapaciteteve profesionale të institucioneve përgjegjëse, përmirësimin e koordinimit ndërinstitucional dhe mbështetjen e viktimave përmes një qasjeje të integruar dhe gjithëpërfshirëse.

“Komuna e Gjilanit mbetet e përkushtuar për të ndërtuar politika dhe shërbime që garantojnë mbrojtje, dinjitet dhe mundësi të barabarta për secilin qytetar”, ka thënë drejtoresha Mimoza Kadriu Qerimi. /2LONLINE/