Nënshkruhet marrëveshje bashkëpunimi mes Universitetit “Kadri Zeka” dhe atij “ Rexhep Tayyip Erdogan”

/2L ONLINE/ – Universiteti “Kadri Zeka ” në Gjilan dhe Universiteti “ Rexhep Tayyip Erdogan” nga Rize i Turqisë kanë nënshkruar marrëveshje bashkëpunimi mes dy institucioneve. Në emër të rektorit të Universitetit “Kadri Zeka” , Bajram Kosumi, Prorektori për Bashkëpunim ndërkombëtar Dukagjin Leka, ka thënë se kjo marrëveshje do të shërbejë në dobi të dy universiteteve, ndërsa Huseyin Karaman, rektor i Universitetit “ Rexhep Tayyip Erdogan” ka thënë se marrëveshja e nënshkruar do të thellojë dhe promovojë bashkëpunimin e institucioneve tona.

Fushat në të cilat Universiteti “Kadri Zeka ” në Gjilan dhe Universiteti “ Rexhep Tayyip Erdogan” nga Rize i Turqisë do të bashkëpunojnë janë: shkëmbimi i studentëve dhe personelit të Universitetit që do të bëhet përmes programit MEVLANA, organizimi i aktiviteteve të përbashkëta hulumtuese, organizimi i ligjëratave e- learning, pjesëmarrje nëpër seminare dhe takime të ndryshme të nivelit akademik dhe aktivitete të tjera. /2L ONLINE/