Nënshkruhet marrëveshja për koalicionin në Bujanoc

Pas disa javë diskutimeve është arritur marrëveshja brenda 4 subjekteve shqiptare për të formuar shumicën në kuvendin komunal të komunës së Bujanocit të cilët numërojnë 25 këshillëtarë, shkruan Titulli.com.

Në bazë të kësaj marrëveshje kryetari i komunës së Bujanocit do të jetë Nagip Arifi nga Partia Demokratike, kryetari i kuvendit nga radhët e PVD-së dhe zëvendës/kryetari i komunës nga Lëvizja e Progresit Demokratik.

Pjesë e kësaj marrëveshje nuk është Unioni Demokratik Shqiptar i cili ka fituar 1 mandat në kuvendin komunal të komunës së Bujanocit, raporton Titulli.com.

Sipas marrëveshjes pozitat ndara për partnerin e mundshëm serb lokal nëse i bashkohet më vonë këtij koalicioni, subjekete politike shqiptare do të heqin dorë nga pozitat e tyre.

Deri në mbajtjen e seancës konstituive të kuvendit komunal mbtetet të shihet se a do t’i bashkohet këtij koalicioni edhe ndonje subjekt politik serb.

Vlen të theksohet se për arritjen e kësaj marrëveshje është angazhuar drejtë për drejtë Tirana zyrtare.

BURIMI: Titulli.com