Nënoficeri i FSK-së thyen rekord shtetëror

Nënoficeri i Forcës së Sigurisë së Kosovës, OR3 Leon Thaqi nga Regjimenti i parë i Këmbësorisë në garën e fundit që është mbajtur në Gjermani, është radhitur në vendin e 4 në stazën 600m me kohë 1 minutë e 17 sekonda duke thyer rekord shtetëror në disiplinën e vrapimit në 600m.

Leon Thaqi është një atlet profesional i cili merr pjesë vazhdimisht në gara të stazave (400m-600m-800m-1600m). Ai në kuadër të Federatës Atletike të Kosovës ka marrë pjesë në gara ndërkombëtare duke treguar performancë të shkëlqyer, aktualisht koha e tij radhitet në vend të parë prej të gjithë atletëve Kosovar në këtë disiplinë.

“Pjesëtari është një shembull i mirë se si një ushtarak përveç punës së tij të mirë në FSK arrin të kontribuojë edhe në institucionet tjera shtetërore duke përfaqësuar shtetin me performancë të shkëlqyer,” njofton FSK. /2LONLINE/