Nënkryetarja Morina Bunjaku: Çdo grua meriton kujdes dhe mbështetje

Komuna e Gjilanit, në bashkëpunim me institucionet shëndetësore dhe organizatat partnere, nisin nga e premtja aktivitetet sensibilizuese për ndërgjegjësimin kundër kancerit të gjirit.

Nënkryetarja e Komunës së Gjilanit, Leonora Morina Bunjaku, tha se “Tetori Rozë” dhe muaji ndërkombëtar i ndërgjegjësimit për kancerin e gjirit na kujtojnë se çdo grua meriton kujdes dhe mbështetje. Kontrolli i rregullt mund të bëjë ndryshimin në jetë.

“Tetori Rozë”, na kujton rëndësinë e kujdesit për shëndetin e grave. Gjatë dy viteve të fundit, mamografi falas ka ndihmuar gratë dhe vajzat e Gjilanit e Anamoravës të zbulojnë raste në kohë dhe të parandalojnë sëmundjet. Shëndeti juaj është prioriteti ynë”, tha Leonora Morina Bunjaku.

Nënkryetarja e Gjilanit, theksoi se duhet të qëndrojmë pranë njëra-tjetrës, të mbështesim gratë e komunitetit tonë dhe të ndërgjegjësojmë për shëndetin e tyre.

“Bashkë mund të bëjmë një ndryshim të vërtetë”, tha nënkryetarja Leonora Morina Bunjaku. /2LONLINE/