Nënkryetarja e Komunës së Kamenicës ka parë nga afër punët që po realizohen nga NPL “Dardana”
Nënkryetarja e Komunës së Kamenicës, Arta Bajraliu, së bashku me Drejtorin e Shërbimeve Publike, Ambientit, Inspektoratit dhe Emergjencave, ka parë nga afër disa nga punët që po realizohen nga zyrtarët e NPL “Dardana”.
Gjatë vizitës nënkryetarja Bajraliu përgëzoi punën e ndërmarrjes, duke theksuar se përveç mirëmbajtjes së hapësirave publike, ajo po zgjeron aktivitetin e saj edhe me rregullimin e mobiliarit urban.
“Pata kënaqësinë që në vizitën time të parë të shoh nga afër punën e shkëlqyer të Ndërmarrjes Publike ‘Dardana’, ku u shoqërova nga drejtori Zotrim Kastrati. Përveç mirëmbajtjes së hapësirave publike, ndërmarrja po zgjeron aktivitetin e saj edhe me rregullimin e mobilarëve urban. Kanë filluar rregullimin e mbrojtësve të urave për këmbësorë dhe po vazhdojnë me rregullimin e ulëseve përgjatë trotuareve dhe rrugëve anekënd qytetit,” u shpreh ajo.
Në fund ajo shprehu përgëzime për punën dhe angazhimin e ndërmarrjes. /2LONLINE/