Nënkryetarja e komunës Leonora Morina Bunjaku nderon me mirënjohje Hava Malokun
Nënkryetarja e Komunës së Gjilanit, Leonora Morina Bunjaku ka bërë me dije se ka pritur në takim Hava Malokun, një grua e suksesshme dhe frymëzuese nga Gjilani, e cila po lë gjurmë në skenën ndërkombëtare!
“Mirënjohje për Hava Malokun – një grua e suksesshme dhe frymëzuese nga Gjilani, e cila po lë gjurmë në skenën ndërkombëtare”, tha Morina Bunjaku.
Nënkryetarja Leonora Morina Bunjaku theksoi se e nderuan me mirënjohje Hava Malokun për arritjet e saj në fushën e marketingut digjital dhe për kontributin e saj në fuqizimin e të rinjve dhe të rejave kudo në botë.
Me mbi 15 vite përvojë profesionale, Hava aktualisht është Menaxhere e Lartë e Marketingut Digjital në LinkedIn, dhe njëkohësisht folëse publike e konsulente, që përmes përmbajtjeve të saj motivuese po i ndihmon shumë njerëz të besojnë në vetvete dhe të ndjekin ëndrrat e tyre.
“Faleminderit, Hava, për përfaqësimin dinjitoz dhe për frymëzimin që sjell”, tha Leonora Morina Bunjaku, nënkryetare e Komunës së Gjilanit. /2LONLINE/