Nënkryetarja Bajralija pret në takim drejtoreshën e Peace Corps

Nënkryetarja e Komunës së Kamenicës, Arta Bajralija së bashku me Zëdhënësen e Komunës së Kamenicës, Lidiona Marovca, kanë pritur sot në takim drejtoreshën e misionit të Peace Corps për Kosovë Joanne Fairley me bashkëpunëtorë.

Ata kanë diskutuar rreth bashkëpunimit ndërinstitucional mes Komunës së Kamenicës dhe Peace Corps, që ka më shumë se 12 vite, si dhe punën e mirë që po bën Komuna e Kamenicës në mirëpritjen dhe trajtimin e vullnetarëve amerikanë që tashmë po jetojnë në Kamenicë.

Nënkryetarja Bajralija e ka falenderuar drejtoreshën si dhe ka shprehur gatishmërinë për bashkëpunim tutje, në mënyrë që vullnetarët të jenë të vazhdueshëm në Kamenicë, por e vazhdueshme të jetë edhe pjesëmarrja e tyre në jetën institucionale. /2LONLINE/