Nënkryetari Matoshi priti përfaqësuesit e KCBS-së
/2L ONLINE/ – Nënkryetari I Kamenicës Fatmir Matoshi, së bashku me udhëheqësin e personelit Faton Biqkaj, kanë pritur në takim përfaqësuesit e Qendrës Kosovare për Mbështetje të Bizneseve (KCBS), Burim Korqa, menagjer dhe Alma Qupeva zyrtare e kësaj organizate.
Nënkryetari Matoshi dhe shefi i personelit Biqkaj, kanë shprehur interesimin dhe gatishmërinë e tyre për të qenë partner në implementimin e projektit si dhe për krijimin e strategjisë për të mbështetur gratë në biznes në komunën e Kamenicës. Për këtë qëllim u dakordua që niveli I bashkëpunimit me këtë organizatë të rritet në javët dhe muajt që po vijnë.
Menagjeri i KCBS, Burim Korqa, theksoi se përmes projektit Të ndryshojmë Kosovën duke fuqizuar gruan, qëllimi kryesor është: Fuqizimi socio-ekonomik i grave në tri komuna: Kamenicë, Drenas, dhe Rahovec.
Korqa ka folur edhe për objektivat specifike të projektit të cilat janë:Vetëdijësimi i grave në biznes për rëndësinë dhe kontributin e tyre në zhvillimin e biznesit dhe komunitetit; Rritja e ndikimit të grave në biznes përmes krijimi i rrjetit joformal avokues të grave në biznes për të avokuar për çështjet me të cilat ballafaqohen gratë në biznes si dhe Krijmi i strategjisë komunale (për secilën komunë) për forcimin e pozitës së gruas në qeverisje dhe biznes dhe monitorimi i zbatimit të kësaj strategjie në praktikë. Poashtu KCBS vizitoi disa nga bizneset të cilat udhehiqen nga gratë, ato shprehën interesimin dhe gadishmërine e tyre për tu bërë pjesë e këtij projekti./2L ONLINE/