Nënkryetari Matoshi: Kamenica vend i qetë dhe i sigurtë

/2L ONLINE/ – Është mbajtur mbledhja e radhës e Këshillit Komunal për Siguri në Bashkësi të cilën e ka udhëhqur nënkryetari i Komunës së Kamenicës Fatmir Matoshi. Duke folur për sigurinë në komunë, nënkryetari Matoshi, ka thënë se është vlerësim i institucioneve lokale se kemi një situatë të qetë e të sigurtë në komunë dhe kjo në radhë të parë është meritë e qytetarëve tanë dhe e institucioneve të tjera përgjegjëse.

“Komuna u është mirënjohëse organeve të sigurisë, këshillave lokale, bashkësive fetare dhe të gjithë të tjerëve për angazhimet e tyre në aspektin e sigurisë në komunë. Duhet të jemi më të angazhuar tani në sezonin e verës për shkak të shtimit të numrit të pjesmarrësve në komunikacion pas ardhjes së mërgimtarëve, gjithashtu të angazhohemi për evidentimin e vendeve që mund të paraqesin rrezik për sigurinë e njerëzve” ka thënë nënkryetari Matoshi.

Komandanti i Stacionit Policor Kapiteni Nazif Hajrizi, ka thënë se në përgjithësi situata është e qetë dhe ditëve të fundit ka pasur disa raste të shpeshtuara të vjedhjes së kafshëve dhe ne po punojmë në zbardhjen e këtyre rasteve.

Për sigurinë kanë diskutuar edhe antëraët e tjerë të KKSB-së. Ndërsa në këtë këshill u prezentuan edhe ndryshimet e përbërtjes ku Bujar Fera do ta përfaqësoj Bashkësinë Islame dhe Ramiz Kryeziu komunitetin rom.

Në këtë takim u miratua plani i punës së KKSB-së në të cilin u shtuan edhe dy aktivitete të tjera që kanë të bëjnë me fushata vetëdijësimi për rreziqet që paraqet trafikimi me qenie njerëzore dhe dhuna në familje si dhe ligjeratat nga ana e FSK-së nëpër shkolla për rrezikun e përdorimit të mjerteve piroteknike.

Plani i punës u miratua me të gjitha votat e anëtarëve të KKSB-së. /2L ONLINE/