Nënkryetari Kadir Hysein viziton Drejtorinë e Administratës, takon drejtorin Elbasan Shabanin

Nënkryetari i Komunës së Gjilanit për komunitete, Kadir Hysein, bashkë me këshilltarin e Kuvendit të Komunës, Renan Imami, vizituan Drejtorinë e Administratës, ku u pritën nga drejtori Elbasan Shabani dhe ushtruesi i detyrës së shefit të Gjendjes Civile Agron Idrizi.

Drejtori i Administratës, tregoi se në këtë takim u diskutua rreth çështjeve që lidhen me funksionimin e administratës komunale dhe shërbimet ndaj qytetarëve.

“Gjatë takimit u bisedua për përmirësimin e proceseve administrative, rritjen e efikasitetit në ofrimin e shërbimeve të gjendjes civile, si dhe bashkëpunimin institucional për t’u përgjigjur sa më mirë nevojave të qytetarëve të komunës së Gjilanit”, tha drejtori Elbasan Shabani.  /2LONLINE/