Nënkryetari Ismajli paralajmron masa ndëshkuese për ata që po dalin në ambiente malore për rekreacion

Nënkryetari Ismajli paralajmron masa ndëshkuese për ata që po dalin në ambiente malore për rekreacion

Nënkryetari i Komunës së Gjilanit, Arbër Ismajli, njëherësh, i deleguari i kryetarit Haziri për menaxhim të situatës me koronavirus, paralajmron masa të ashpra ndëshkuese për të gjithë qytetarët që nuk po i respektojnë urdhëresat e institucioneve për vetë-izolim dhe menjanim të kontakteve me njerëz.

“Nga njoftimi i fundit i Policisë së Kosovës, kemi informacione se një numër i konsiderueshëm i qytetarëve janë mbledhur për shëtitje dhe rekreacion në fshatin Stanishor, Përlepnicë e te Penda e Livoqit. Kjo formë e lëvizshmërisë është rreptësisht e ndaluar, për shkaqe të rrezikshmërisë së përhapjes së koronavirusit. Me këtë ju bëjë thirrje për vetëpërmbajtje dhe respektim maksimal të vetë-izolimit, përndryshe, do të detyrohemi të ndërmarrim edhe masa ndëshkuese”, thotë Ismajli.

Sipas tij, kjo situatë nuk është në favorin tonë, ta kuptoni që po përballemi me një pandemi e cila po merrë kahje të shpërndarjes. “Këtë luftë do ta dërgojmë deri në fund, me çdo çmim, e çdo mjet, si një familje e tërë, pa asnjë tolerancë për ndëshkuesit, për ata të cilat nuk i respektojnë masat e ndërmarra nga institucionet”.deklaroi Ismajli.

KOMENTE