Nënkryetari Aliu priti në takim përfaqësueset e organizatës UN Women

Nënkryetari i komunës së Vitisë, Hasan Aliu, ka pritur sot në takim shefen e zyrës së organizatës UN Women, Vlora Nushi, me bashkëpunëtore.

Në këtë takim u bisedua për mundësitë e bashkëpunimit rreth projekteve që kanë të bëjnë me barazi gjinore, buxhetimin e përgjegjshëm gjinorë dhe avancimin e barazisë gjinore nëpër të gjithë sektorët.

Nënkryetari Aliu ka falënderuar organizatën UN Women, dhe u shpreh se projekte të tilla janë të mirëseardhura në komunën e Vitisë. Poashtu, ai tha se barazia gjinore luan një rol të rëndësishem jo vetëm në institucione por edhe në shoqëri, dhe u shpreh i hapur për bashkëpunime të mëtutjeshme që kanë të bëjnë me barazinë gjinore. Në anën tjetër edhe drejtoresha Vlora Nushi, ka falënderuar institucionet komunale të Vitisë, për gatishmërinë e tyre për bashkëpunim rreth projekteve të kësaj organizate, të cilat po zhvillohen nëpër 12 komuna të Kosovës, ndërsa tani këtyre projekteve do ti bashkangjiten edhe 4 komuna tjera, në kuadër të tyre edhe komuna e Vitisë.

Në këtë takim ishin të pranishëm edhe drejtoresha e Arsimit, Fatbardha Emini, drejtori për Ekonomi, Financa dhe Zhvillim, Besnik Imeri, si dhe zyrtarja komunale për barazi gjinore, Ibadete Hyseni. /2LONLINE/