Në Zyrën e Punësimit në Gjilan mirëpritën përfaqësuesit dhe disa nga fëmijët e Qendrës së Kujdesit Ditor “Pema”
“Gjatë kësaj jave në Zyrën e Punësimit në Gjilan patëm kënaqësinë të mirëpresim përfaqësuesit dhe disa nga fëmijët e Qendrës së Kujdesit Ditor “Pema”. Gjatë takimit u diskutua për mundësitë e punësimit, trajnimit dhe aftësimit profesional, si dhe për rëndësinë e përgatitjes së tyre për integrim në tregun e punës në të ardhmen”, ka thënë Petrit Vokshi, udhëheqësi i Zyrës së Punësimit në Gjilan.
Sipas tij, në kuadër të bashkëpunimit, u diskutua edhe për shkëmbimin e informacioneve dhe hartimin e listave të personave që, me arritjen e moshës së punës, janë të gatshëm për punë ose trajnim, me qëllim që të identifikohen dhe adresohen me kohë nevojat dhe mundësitë e tyre.
“Në fund të takimit, prezantuam shërbimet e Zyrës së Punësimit në Gjilan dhe mundësitë që ofrohen në funksion të punësimit dhe aftësimit profesional”, ka thënë Vokshi. /2LONLINE/