Në Zhegoc të Gjilanit: Kadetët e FSK-së me ushtrim fushorë

Kadetët e FSK-së, po realizojnë ushtrimin fushorë “Kampi veror 2017’’ që ka filluar operacionet e saj stërvitore, nga data; 05-18 qershor 2017. Dita e vizitorëve(VIP) mbahet me datë 14 Qershor 2017, duke filluar nga ora 12:00, në fshatin Zhegoc të Komunës së Gjilanit.

Në planifikimin, organizimin si dhe ekzekutimin e ushtrimit fushor “Kampi veror 2017” janë të përfshirë të gjithë kadetët e Forcës së Sigurisë të cilët studiojnë në Qendrën për Studime Universitare të cilët matin dhe vlerësojnë njohuritë dhe shkathtësitë e fituara si në aspektin individual po edhe në atë ekiporë.

Operacionet e ushtrimit do t’i përcjellin nga afër; oficerë të lartë të Forcës së Sigurisë së Kosovës, këshilltarët ushtarak të NATO-s për MFSK/FSK, komandanti i Kampit Ushtarak Amerikan ,,Bondsteell’’, si dhe oficerë tjerë të FSK-së.