Në Zhegër të Gjilanit nis Manifestimi “Ditët e Agimit 2025”

Me turnirin e futbollit të vogël, përmes të cilit kujtojmë, heroin Agim Ramadanin, me moton “Edhe me sport e kujtojmë Agimin”, në Zhegër të Gjilanit ka filluar Manifestimi Tradicional Kulturor “Ditët e Agimit”.

I pari i Komunës së Gjilanit, Alban Hyseni, ka marrë pjesë në hapjen solemne të Manifestimi Tradicional Kulturor “Ditët e Agimit”. Ai ka thënë se ky aktivitet shënon fillimin e tri ditëve përkujtimore që mbajnë gjallë kujtimin e një figure të pazëvendësueshme të historisë sonë.

“Sonte në ora 19:30, ju ftojmë të gjithë të bëheni pjesë e ndezjes së “Flakadanëve të Lirisë”, në nder të 114 dëshmorëve të betejës së Koshares, një nga faqet më të lavdishme të luftës për liri”, ka thënë kreu i Komunës së Gjilanit, Alban Hyseni.  /2LONLINE/