Në zgjedhjet komunale të 12 Tetorit uroj që qytetari gjilanas të jetë i vetëdishëm kend po e voton!
Në zgjedhjet komunale të 12 Tetorit uroj që qytetari gjilanas të jetë i vetëdishëm kend po e voton!
/Xhevat Bekteshi kandidat për Asamblenë Komunale të Gjilanit nga radhët e Aleancës për Ardhmërinë e Kosovës (AAK)/
Qytetarët e Gjilanit meritojnë një administratë që realizon projekte e jo të prezentoj vizatime vizuele, të IT-së.
Raportet e Ministrisë së Administrimit të Pushtetit Lokal (MAPL) për performancën e komunave e kanë vlerësuar Komunën e Gjilanit me rezultate mesatare, me disa dobësi që bien në sy, sidomos në ofrimin e shërbimeve publike, zbatimin e projekteve kapitale dhe menaxhimin efektiv të resurseve komunale.
Disa prej mangësive të theksuara përfshijnë:
• Vonesa të gjata në zbatimin e projekteve infrastrukturore, përfshirë autostradën, stadiumin, varrezat, rrugët, kanalizimin dhe ujësjellësin. Edhe më rëndë është në zonat rurale Livoç, Malishevë, Zhegër, Uglar e ku jo po thuaj se në secilin fshat.
• Mbulim i pjesshëm i shërbimeve komunale dhe jocilësore në fshatra dhe lagje periferike, ndriçim publik dhe pastrim i rrugëve.
• Mosrealizim i disa projekteve të mëdha të premtuara, si Unaza e qytetit dhe investimet në zonën ekonomike.
• Dështim në zbatimin e objektivave strategjike sipas planifikimeve të veta buxhetore dhe zhvillimore.
Sipas të dhënave të fundit, Gjilani ka përfituar nga Granti i Performancës Komunale, por mënyra se si janë shpenzuar këto fonde ka ngjallur dyshime për mungesë prioritetesh të qarta dhe efektivitet të ulët.
Kjo performancë jo-bindëse tregon për një mungesë të kapaciteteve menaxheriale dhe politike për të garantuar shërbime cilësore për qytetarët.
Shërbime të ngadalshme, projekte të vonuara e të parealizuara tregon performancë komunale në rënie dhe gjithnjë e më të dobët.
Në zgjedhjet komunale të 12 Tetorit urojë që qytetari gjilanas të jetë i vetëdishëm kend po e voton.
Besoj se duhet të votohen persona me dije e kapacitete profesionale.Kemi 25 vjet liri,25 vjet zhvillim andaj duhet reflektuar e votuar personat që kan njohuri, përvojë profesionale,bagazh pozitiv menagjerial me rezultate të dëshmuara.
Të zgjedhurit e tillë besojmë do bëjnë që të kemi cilësi në realizim projektesh,efikasitet dhe efektivitet në realizim e tyre dhe si rezultat do kemi infrastruktur,ambient më të bukur dhe jetë më të mirë!