Në Viti po zhvillohet aksioni për dhurimin vullnetar të gjakut!
Kryetari i Komunës së Vitisë, Sokol Haliti, së bashku me stafin komunal, iu bashkuan sot aksionit për dhurimin vullnetar të gjakut, organizuar nga QKMF, në Viti, nën udhëheqjen e drejtoreshës Dr. Vjollca Kadolli-Halili, në bashkëpunim me Qendrën Kombëtare të Transfuzionit të Gjakut.
Me këtë rast, Kryetari Haliti dhe drejtoresha Kadolli-Halili falënderuan të gjithë qytetarët që iu përgjigjën këtij aksioni humanitar, duke theksuar rëndësinë e dhurimit të gjakut si një akt fisnik që shpëton jetë.
“Komuna e Vitisë mbetet e përkushtuar në mbështetjen e aktiviteteve që promovojnë humanizmin, solidaritetin dhe kujdesin për shëndetin e qytetarëve”, thuhet në njoftimin e komunës. /2LONLINE/