Në Viti 12 biznese janë përfituese të projektit për trajnim në vetëpunësim

Në Viti 12 biznese janë përfituese të projektit për trajnim në vetëpunësim

Në vazhdën e projektit-Programi i trajnimit për vetëpunësim, 12 pjesmarrës të këtij trajnimi janë përzgjedhur si përfitues të pajisjeve të ndryshme.

Këtë trajnim që u organizua fillimisht nga Zyra për Investime dhe mbështetje të bizneseve të komunës së Vitisë, e kanë ndjekur 50 pjesmarrës të fushës së biznesit për 5 ditë me radhë. 12 të përzgjedhurit janë përfitues në pajisje bujqësore, vegla pune, makineri, rrobaqepsi dhe sallone bukurie.

Ndërkaq sot, janë 7 përfitues të veglave të punës, instalues të ngrohjes, automekanik, serviser të pajisjeve shtëpike etj.

Në ceremonin e shpërndarjes së këtyre pajisjeve ishte i pranishëm edhe kryetari i komunës së Vitisë Sokol Haliti.

Financues të këtij projekti është USAID Empower Private sector dhe komuna e Vitisë, ndërsa implementues është organizata Help. Ditëve në vazhdim, pritet edhe shpërndarja e pajisjeve për pesë përfitues të tjerë të këtij projekti.

KOMENTE