Në të dyja konkurrencat dominuan ekipe e Gjimnazit “Xhavit Ahmeti”, Gjilan

Në Kamenicë, nën organizimin e Drejtorisë për Kulturë, Rini dhe Sport është mbajtur Turneu i Volejbollit për nxënësit e Shkollave të Mesme nga Gjilani, Kamenica, Presheva e Bujanoci, që organizohet në kuadër të Manifestimit Tradicional “Lulëkuqet e Prillit 2026” .

Ndeshjet janë luajtur në të dy konkurrencat, ndër femra e meshkuj dhe fitues dolën nxënësit e Gjimnazit Natyror “Xhavit Ahmeti”, Gjilan, që udhëhiqeshin nga profesorët Selami Haziri dhe Blerim Shala.

Rezultatet e arritura janë si vijon:

Kategoria e vajzave:

Vendi i parë: Gjilani
Vendi i dytë: Kamenica
Vendi i tretë: Bujanoci

Kategoria e djemve:

Vendi i parë: Gjilani
Vendi i dytë: Kamenica
Vendi i tretë: Presheva

Ky aktivitet ka për qëllim promovimin e sportit, bashkëpunimit ndërkomunal dhe fuqizimin e të rinjve përmes aktiviteteve sportive.

Në fund të garës, Drejtori për Kulturë, Rini dhe Sport, Afrim Dervishi, ka falënderuar të gjithë pjesëmarrësit për angazhimin dhe kontributin e tyre në realizimin me sukses të këtij aktiviteti.  /2LONLINE/