Në Spitalin e Përgjithshëm në Gjilan në Repartin e Ortopedisë është realizuar një ndërhyrje e rrallë kirurgjike

Në Spitalin e Përgjithshëm në Gjilan (SPGJ), në Repartin e Ortopedisë, është realizuar një ndërhyrje e rrallë kirurgjike.

Tek një paciente e moshës 33 vjeçare, u largua tumori agresiv beninj – Giant Cell Tumor (Tumori Gjigandocelular) nga regjioni i mbigjurit të majtë, tumor ky, që ishte konfirmuar me Needle Biopsi.

Pas qëndrimit disa ditorë në spital, pacientja lëshohet në shtëpi në gjendje të mirë shëndetësore, njoftojnë drjetuesit e këtij Spitali.

Ekipi operator:
Dr. Veprim Presheva – Operator
Dr. Imran Shaqiri – Asistent
Dr. Rinor Velekinca – Asistent
Dr. Edon Zylfiu – Asistent
Dr. Selami Kurteshi – Anesteziolog

Ky tumor shumë i rrallë prek afërsisht një person në një milion banorë.

“Raste si ky janë sfiduese, por njëkohësisht na bëjnë krenarë me përkushtimin e stafit tonë ndaj pacientëve”, thuhet në njoftimin e Spitalit të Përgjitshëm të Gjilanit. /2LONLINE/