Në Spitalin e Gjilanit e diela, ditë e synetisë
- /2L ONLINE/ – Në Spitalin e Përgjithshëm të Gjilanit (SPGJ), të dielën janë duke u kryer syneti falas për fëmijët e familjarëve me kushte të vështira familjare. Ky aksion është organizuar në ambientet e SPGJ-së dhe iniciativa për kryerjen e synetive falas u mor nga disa operator, (kirurg dhe urolog), por edhe me përkrahjen e menaxhmentit të Spitalit të Gjilanit.
Zyrtari për informim i SPGJ-së, Dr.Selami Kurteshi ka thënë se këtij aksioni iu janë përgjigjur shumica e kirurgëve dhe stafit të mesëm të nevojshëm. Për këto syneti janë lajmëruar gjithsej 51 fëmijë dhe deri në orën 13:00 janë kryer 33 prej tyre.
“Organizimi ka qenë shumë i mirë, ku është angazhuar edhe laboratori që i bënë paraprakisht analizat e nevojshme. Po ashtu këtyre fëmijëve iu bëhet edhe kontrolli mjekësore paraprakisht”, ka thënë Kurteshi.
Përndryshe, ekipet që po kryejnë synetin janë të ndarë në dy grupe: Grupi i parë prej orës 9:00-13:00 dhe grupi i dytë pasdite, deri në ora 17:00.
Ndërsa, siç deklaron drejtori i Spitalit Dr.Abdylatif Latifi, përmes këtij aksioni dëshirohet që familjeve në nevojë dhe kushte të vështira të iu ndihmohet sado pak. “Besojmë që ky aksion të vazhdojë edhe viteve të tjera. I gjithë stafi që ka marrë pjesë në këtë aksion është angazhuar pa kurrfarëë kompensimi, krejt në baza vullnetare”, ka thënë drjetori LAtifi. /2L ONLINE/