(2L ONLINE) – Në Spitalin e Përgjithshëm të Gjilanit (SPGJ), nga 23 shkurti e deri më 6 mars, do të bëhet mamografia me anë të Mamografit mobil, njoftojnë zyrtarë të këtij Spitali. Koordinator për këtë projekt është Dr.Agim Bregaj i cili me ekipin e tij do të sjellin në hapësirat e këtij spitali Mamografin me aparaturën përcjellëse.
Zyrtari për informim i SPG-së, Selami Kurteshi ka bërë me dije se Mamografia do te kryhet prej stafit te specializuar te përcaktuar nga koordinatori në bashkëveprim me stafin profesionist të SPGJ-së. Mamografia do të kryhet te të gjitha gratë e interesuara për këtë ekzaminim diagnostik.
“Edhe pse me datën e caktuar përfundon ky aksion ,në rast nevoje periudha kohore do të zgjatet. Njoftojmë të gjitha të interesuarat se mamografia do të bëhet çdo ditë pune, duke filluar nga ora 10:00-13:00. Për realizimin e këtij ekzaminimi pacientet duhet të lajmërohen paraprakisht për caktimin e terminit”, ka thënë Kurteshi.
Sipas itj, për këtë projekt interesim te veçantë ka shprehur menaxhmenti i Spitalit si dhe ne veçanti Ministri i Shëndetësisë. /2L ONLINE/