Në Smirë të Vitisë u bë zgjerimi dhe asfaltimi i rrugës në lagjen “Ferizi”

“Në komunën e Vitisë, po vazhdojnë punimet në realizimin e projekteve infrastrukture, konkretisht të asfaltimit dhe zgjerimit të rrugëve rurale në lokalitet e ndryshme”, thonë drejtuesit e kësaj komune.

Me këtë rast, sot është bërë asfaltimi dhe zgjerimi i rrugës në lagjen “Ferizi” në Smirë të Vitisë.

Punimet nga afër i përcolli kreu i kësaj komune, Sokol Haliti me bashkëpunëtorë i cili edhe është pritur aty nga banorët e zonës.

“Banorët e këtij lokaliteti në veçanti ata për skaj të rrugës në fjalë kanë falënderuar kryetarin Haliti për këtë projekt duke e cilësuar si jetik për ta”, thonë  drejtuesit e komunës.

I pari i Vitisë, Sokol Haliti potencoi se ata po vazhdojnë punën në krijimin e infrastrukturës sa më të mirë edhe në lokalitet e tjera duke lehtësuar qarkullimin e pjesëmarrësve në trafik.

Ai shtoi se Komuna e Vitisë në bashkëpunim me partnerët e saj janë duke punuar edhe në fushat e tjera. /2LONLINE.com/