Në Skifteraj ka nisur implementimi i projektit të komasacionit

/2L ONLINE/ – Pas grumbullimit të të dhënave dhe dokumentacionit nga ana e pronarëve të tokave që janë nën zonën e komasacionit, kanë nisur matjet në terren dhe identifikimi i atyre tokave nga pronarët.

Siq dihet në fshatin Skifteraj janë afër 200 hektar të përfshirë në zonën kadastrale të komasacionit, ndërkohë që në tërë komunën e Vitisë janë 7 zona të komasacionit.

Drejtori i drejtorisë së Bujqësisë në Viti Veton Ademi ka njoftuar se ecuria e punës në terren gjatë ditës së oparë të matjeve ka qenë shumë e mirë, sikur edhe përgjigja e pronarëve të tokave ka qenë e kënaqshme.

Projekti i komasacionit që do ta implementoj kompania “Consulting Inginiering” parashihet që të përfundoj në komunën e Vitisë brenda 3 vitesh.

Komasacioni ka nisur qysh në viti e 80-ta në komunën e Vitisë, por pati mbetur i papërfunduar deri më tani, duke i pamundësuar bujqve-pronarëve të atyre tokave certifikimin zyrtar të pronësisë. /2L ONLINE/