Organizata Botërore e Shëndetësisë (OBSH), ka njoftuar se shkalla e epidemisë Ebola në Afrikë nuk duhet të nënvlerësohet. OBSH-ja ka bërë të ditur se është duke u koordinuar për një reagim ndërkombëtar ndaj shpërthimit të këtij virusi, i cili deri tash ka lënë të vdekur më shumë se 1,050 persona.
Sipas stafit të OBSH-së që janë të vendosur në Afrikën Perëndimore, konfirmohet se numri i rasteve të raportuara nga Ebola dhe vdekjeve është në rritje. Shumica e të infektuarve dhe vdekjeve që kanë ndodhur janë nga Sierra Leone, Liberia, Guinea.
Shtetet e Bashkuara të Amerikës (SHBA) ka urdhëruar evakuimin e familjeve të diplomatëve nga Sierra Leone.