Në rrethin e parë në Ligën e Konferencës. SC Gjilani do të ballafaqohet me FC Progres Niederkorn nga Luksemburgu

Ballkani, Gjilani dhe Dukagjini mësojnë kundërshtarët e fazës së parë në garat evropiane

Sot në selinë e UEFA-së në Nion është bërë tërheqja e shortit për rundin e parë të edicionit të ri në Ligën e Kampionëve. Kampioni i Kosovës, FC Ballkani në këtë fazë të garave do të ketë sfidë të vështirë, pasi do të ballafaqohet me kampionin e Bullgarisë, Ludogorets, njofton faqja zyrtare e FFK-së.

Ndeshjen e parë Ballkani do ta luajë në Prishtinë, më 11 ose 12 korrik, derisa atë të kthimit në Bullgari, më 18 ose 19 korrik. Ludogorets e ka dominuar futbollin në Bullgari që një kohë të gjatë, duke u shpallur 12 herë radhazi kampion i këtij vendi, derisa ka fituar edhe tri herë kupa dhe gjashtë Superkupa. Po ashtu, kjo skuadër bullgare ka arritur të luajë dy herë edhe në fazën e grupeve të Championsit, në edicionet 2014/15 dhe 2015/16.

Edhe SC Gjilani dhe FC Dukagjini i kanë mësuar kundërshtarët e rundit të parë në Ligën e Konferencës.

Gjilanasit do të përballen me skuadrën nga Luksemburgu, FC Progres Niederkorn, derisa Dukagjini do të luajë kundër skuadrës nga Gjibraltari, FC Europa.

Ndeshjet e para të këtij rundi zhvillohen më 13 korrik kurse ato të kthimit më 20 korrik.

Skuadra tjetër kosovare e cila do të marrë pjesë në Evropë, FC Drita, garat do t’i nisë nga faza e dytë., njofton faqja zyrtare e FFK-së. /2LONLINE/