Në Rahovicë u përkujtua rënia heroike e dëshmorëve për lirinë e vendit

Ky aktivitet përkujtimor mblodhi përfaqësues institucionalë, veteranë të luftës, familjarë të dëshmorëve dhe qytetarë të shumtë, të cilët bashkërisht nderuan kujtimin dhe veprën e atyre që dhanë jetën për liri dhe pavarësi. U përkujtuan me respekt të veçantë dëshmorët Arsim Isufi, Shemsi Isufi, Ahmet Mehmeti dhe Ramadan Kastrati, si simbole të qëndresës dhe përkushtimit ndaj atdheut.

Në këtë ngjarje morën pjesë edhe Nënkryetarja e Komunës së Kamenicës, Arta Bajralija, Kryesuesja e Kuvendit, Arbnore Beqiraj Fera, Kryetari i OVL-UÇK-së dega në Kamenicë, Milaim Limoni si dhe ish Komandanti i Zonës Operative të Karadakut,Ahmet Isufi.

Gjatë manifestimit u theksua rëndësia e ruajtjes së kujtesës historike dhe përçimit të vlerave të lirisë, sakrificës dhe atdhedashurisë tek gjeneratat e reja.

Ndërsa në një fjalë rasti, Nënkryetarja Arta Bajralija, ka thënë se komuna mbetet e përkushtuar që përmes aktiviteteve të tilla të ruajë dhe nderojë trashëgiminë historike, duke forcuar ndërgjegjen kolektive për sakrificat që sollën lirinë e sotme.  /2LONLINE/