Në qendrën e pranimit në Preshevë tani vijnë refugjatë nga Subotica e Beogradi

Në qendrën e pranimit për refugjatë në Preshevë momentalisht jetojnë afri 980 njerëz në mes tyre 250 fëmijë dhe të rinj deri më 18 vjeç, ka thënë Valon Arifi nga Presheva për mediat në Beograd.

Arifi, drejtor i organizatës “Të rinjtë për Refugjatë” është shprehur se refugjatëve në këtë qendër u janë siguruar të gjitha kushtet për jetë normale gjatë stinës së dimrit.

Sipas tij kohëve të fundit refugjatë më shumë vijnë nga rrethi i Suboticës dhe Beogradit që janë larguar nga kushtet jot ë mira të kontejnerëve, transmeton Titulli.com.

Komisariati për refugjatë në Serbi ka njoftuar se në objektet e caktuar për refugjatë në Serbi ka vende për të gjithë refugjatët ndërsa ata që nuk banojnë në qendra të organizuara mbajnë përgjegjësi vet për rrezikun që mundë të vijë nga temperaturat e ulëta.