Në Pozheran fillojnë punimet në asfaltimin e rrugës “Rexhep Pira”
Kryetari i Komunës së Vitisë, Sokol Haliti me bashkëpunëtorë ka vizituar sot Pozheranin për të parë nga afër punimet që kanë filluar në asfaltimin e rrugës “Rexhep Pira”.
Me këtë rast ai është takuar edhe me banorë të këtij lokaliteti.
“Pozheranasit e kanë falënderuan kryetarin Haliti për këtë projekt infrastrukturor cili po realizohet në këtë lokalitet me mjete vetanake të komunës së Vitisë dhe atë në kuadër të projektit për asfaltimin e rrugëve rurale”, thuhet në njoftimin e zyrës për informim të komunës së Vitisë.
Ndërkaq kryetari Haliti bëri me dije se institucionet komunale të Vitisë mbesin të përkushtuar që të investohet në të gjitha lokalitetet e kësaj komune e në veçanti në projekte që prekin interesin e shoqërisë.