Në Pozheran është vënë gurthemeli i ndërtimit të ambulantes

(2L ONLINE) – Kryetari I Komunës së Vitisë, Sokol Haliti, Drejtori i Drejtorisë së Shëndetësisë Basri Aliu me bashkëpunëtor, mjekë, dhe banorë të fshatit Pozheran, ka vënë sot gurëthemelin e ndërtimit të ambulantes në Pozheran të Vitisë cila do të ndërtohet me mjete të buxhetin komunal ndërsa vlera e ndërtimit të objekti është 223.071.96€.

Me këtë rast kryetari Haliti i uroj banorëve të këtij lokaliteti fillimin e këtij projekti shumë të rëndësishëm duke theksuar se për momentin në këtë komunë është duke u punuar në shumë projekte.

“Gjatë këtyre ditëve kemi rritur volumin e punëve, vlen të theksohet se për momentin jemi ndër komunat që kanë hapur më së shumti vend punishte konkretisht 60 sosh” u shpreh Haliti.

Për ndryshe kjo ambulant priet të ndërtohet me standarde bashkëkohore dhe do të rrisë cilësinë e shërbimeve shëndetësore në këtë Komunë. Ndërkaq banorët e Pozheranit e kanë mirëpritur këtë projekt, duke e vlerësuar të domosdoshëm.

Për ndryshe Pozherani është një ndër fshatrat më të mëdhenj në këtë komunë. Ndërkaq poashtu sot kreu i komunës ka vizituar në këtë fshat edhe shkollën e mesme ku janë duke vazhduar punimet në renovimin e saj, ku është bërë shtruarja e trotuarit deri në hyrje të shkollës si dhe rrugën bujqësore që është shtruar ditë më parë me zhavor. /2L ONLINE/