Në Lubishtë të Vitisë po bëhet renovimi i shkollës
/2L ONLINE/ – Kryetari i Komunës së Vitisë, Sokol Haliti me bashkëpunëtor kanë vizituar sot shkollën fillore të mesme të ultë “Dëshmorët e Lubishtës” në fshatin Lubishtë të Vitisë ku është duke u bërë rinovimi i kësaj shkolle me donacionet të cilët i ka dhuruar mërgimtari Shaip Behluli i cili konkretisht për këtë shkollë nga shtet perëndimore ka sjell material për renovimin e saj.
Ndërkaq ngjyrosja e këtij objektit shkollor është duke u bërë me punën vullnetare të personelit arsimor,punëtorëve teknik por edhe nga vet drejtori i kësaj shkolle, Ymer Mala.
Kryetari i Komunës së Vitisë, Sokol Haliti gjatë vizitës që i ka bërë sot shkollës fillore të mesme të ultë”Dëshmorët e Lubishtës” në Lubishtë të Vitisë përgëzoj mërgimtarin, Shaip Behluli dhe personelin arsimor për punën që po e bëjnë në renovimin e kësaj shkolle duke e çmuar lartë kontributin e këtij mërgimtari por edhe të personelit arsimor.
Ndërkaq Ymer Mala, Drejtor i kësaj shkolle tha se falë donacionit të këtij mërgimtare objekti shkollor po e merr një pamje të bukur duke theksuar se më këtë po krijohet një ambient më i mirë për nxënësit dhe personelin arsimor për mësimdhënie dhe mësim nxënie.
Ndërkaq me iniciativën dhe financimin e mërgimtarëve të Lubishtës dhe në bashkëpunim me drejtorin e kësaj shkolle më parë është rregulluar edhe një pjesë e oborrit të shkollës ku është rregulluar një shesh me bustet e 6 dëshmorëve të këtij lokaliteti. /2L ONLINE/
