Në Livoq të Epërm mbahet debat multietnik për identifikim të prioriteteve

/2L ONLINE/ – Komuna e Gjilanit ka mbajtur mbrëmë debat me banorët e fshatit Livoq i Epërm me të cilët ka diskutuar për prioritetin e investimit në këtë fshat. Takimi, në të cilin kanë marrë pjesë banorë shqiptarë dhe të komunitetit serb, ka qenë i pranishëm nënkryetari Rexhep Kadriu me bashkëpunëtorë si dhe drejtoresha e programit USAID-it, AKT US, Amy Denkenberger me bashkëounëtorët e saj.

Gjatë debatimit në mes të nënkryetarit Kadriu me banorët e këtij fshati, me miratimin e të gjithë të pranishmëve, u identifikua prioriteti i asfaltimit të një rruge që është shumë e rëndësishme për qarkullimin e qytetarëve.

Për detaje rreth shpronësimit do të vendoset në takimin e radhës, i cili do të mbahet të hënën. Përndryshe, këtë projekt pritet ta mbështes USAID-i në bashkëfinancim me Komunën e Gjilanit. /2L ONLINE/