Në komunën e Vitisë shënohet dita ndërkombëtare për të Drejtat e Njeriut

/2L ONLINE/ – Me rastin e shënimit të 10 Dhjetorit – Ditës Ndërkombëtare për të Drejtat e Njeriut, Njësia Komunale për të Drejtat e Njeriut në bashkëpunim me Drejtorinë e Arsimit të komunës së Vitisë janë përkujdesur që në shkollat e kësaj komune orët e para mësimore të fillojnë me ligjërata mbi të drejtat e njeriut, konkretisht me leximin e deklaratës universale për të drejtat e njeriut.

Po ashtu në disa shkolla nxënësit janë njohur edhe me të drejtat që ju garantohen me Legjislacioni vendor, por edhe atij ndërkombëtar, si: Konventa Evropiane për të Drejtat e Njeriut, Deklarata Universale për të Drejtat e Njeriut, e të cilat janë pjesë e sistemit juridik të Kosovës.

Përndryshe Deklarata Universale për të Drejtat e Njeriut është miratuar me 10 dhjetor të vitit 1948 nga Asambleja e Përgjithshme e Kombeve të Bashkuara.

Ndërkaq edhe Institucionet Komunale të Vitisë në krye me kryetarin e kësaj komune, Sokol Haliti kanë lëshuar sot një deklaratë mbi mundësitë e barabarta të cilën e publikojmë të plotë. /2L ONLINE/