Në komunën e Vitisë 7 raste aktive dhe vetëm 1 i hospitalizuar nga Covid 19

Në mbledhjen e Këshillit Komunal për Mbrojtje dhe Shpëtim, u tha se momentalisht gjendja me pandeminë në komunën e Vitisë është në përmirësim e sipër dhe si rezultat i kësaj, është vetëm një rast i hospitalizuar, ndërkohë që 7 raste janë aktive.

Kryetari i komunës Sokol Haliti tha se ky trend i përmirësimit të gjendjes duhet të vazhdoj edhe më tutje, duke respektuar masat që janë në fuqi, edhe pse disa nga masat janë lehtësuar. Komandanti i stacionit policor në Viti, kapiten Afrim Halili, tha se nga sot fillon zbatimi i vendimit të ri, ku parashihet lehtësimi i masave, por jo heqja e tyre. Prandaj duhet respektuar ato siç janë paraparë në vendimin e Qeverisë dhe IKSHP-ja. /2LONLINE.com/