Në Kamenicë mbahet mbledhja e radhës e Komitetit për Politikë dhe Financa

Është mbajtur mbledhja e pestë e rregullt e Komitetit për Politikë dhe Financa të Kuvendit Komunal të Kamenicës për këtë legjislaturë.

Mbledhjen e ka udhëhequr kryesuesja e Kuvendit Komunal, Arbnore Beqiraj-Fera, e cila para anëtarëve prezantoi rendin e ditës për shqyrtim dhe miratim.

Gjatë mbledhjes është shqyrtuar dhe miratuar procesverbali nga mbledhja e katërt e Komitetit për Politikë dhe Financa. Po ashtu, anëtarët kanë diskutuar dhe kanë miratuar propozim-vendimin për dhënien në shfrytëzim afatshkurtër të pronës së Komunës.

Në këtë mbledhje është shqyrtuar edhe Draft-Plani për Riintegrimin e Qëndrueshëm të Personave të Riatdhesuar dhe Integrimin e të huajve në Komunën e Kamenicës për periudhën 2026-2028.

Të gjitha pikat e rendit të ditës janë miratuar me vota unanime nga anëtarët e Komitetit. /2LONLINE/