Në Kamenicë ka përfunduar procesi i dezinfektimit, dezinsektimit dhe deratizimit hapësinor

“Në Komunën e Kamenicës se ka përfunduar me sukses procesi i dezinfektimit, dezinsektimit dhe deratizimit hapësinor (DDD), i cili është realizuar sipas planit në të gjithë territorin e komunës”, thuhet në njoftimin e komunës.

Komuna e Kamenicës ka falënderuar qytetarët për mirëkuptimin dhe bashkëpunimin e treguar gjatë zhvillimit të këtij procesi, si dhe të gjithë ata që respektuan rekomandimet e dhëna për sigurinë e tyre dhe mbrojtjen e bletëve.

“Ky proces është realizuar me qëllim të mbrojtjes së shëndetit publik dhe përmirësimit të kushteve të jetesës për të gjithë qytetarët”, thuhet në njoftimin e Komunës së Kamenicës. /2LONLINE/