Në Kamenicë hapet panairi i prodhimeve vendore

/2L ONLINE/ – Në Komunën e Kamenicës është hapur panairi i prodhimeve vendore ku po ekspozojnë bisneset lokale. Kryetari i komunës, Begzad Sinani ka bërë hapjen e panairit të organizuar nga Drejtoria për Zhvillim Ekonomik dhe Diasporë, që po organizohet për herë të parë në këtë komunë.

“Komuna e Kamenicës ka një pozitë gjeografike shumë të mirë për bujqësi, blegtori e bletari, andaj ju kisha sugjeruar të gjithë familjarëve që jetojnë në diasporë të investojnë në Kamenicë dhe të përfitojnë shumë familje nga hapja e vendeve të reja të punës”, ka thënë Sinani.

Pas vizitës në panairi ku u ekspozuan produktet nga prodhues të ndryshëm nga komuna e Kamenicës, kryetari Sinani falënderoi bashkëpunëtorët që ndihmuan për sponzorimin e këtij panairi lokal.

Panairi do të jetë i hapur deri në ora 22:00. /2L ONLINE/