“Në Kamenicë është vështirë të gjendet ndonjë punë a projekt i kryer qysh duhet”

/2L ONLINE/ – “Duke e ditë që komuna e Kamenicës, përballet me një mal problemesh e kërkesash imediate, për mendimin tim, asfaltimi i rrugës Hogosht–Lisockë, do të duhej të ishte projekti i fundit, ama krejt i fundit, ku do të duhej të investohej. Tanimë meqë është investuar, kjo rrugë iu kushtoi taksapaguesve gati 1 milion euro dhe sikurse në shumë rrugë tjera (investime qëllimisht të gabuara të institucioneve lokale e qendrore), nuk u deshën ma shumë se 4 muaj për të dalë në pah marrja.

Kështu është shprehur Amir Jakupi nga shoqëria civile , sipas të cilit , në implementimin e këtij projekti vihet re një bashkëpunim i shkëlqyeshëm “institucion-mbikëqyrës, pranues-vlerësues-punëkryes”’.

“Në komunën e Kamenicës është vështirë, shumë vështirë të gjendet ndonjë punë a projekt i kryer qysh duhet, ndërsa seriozisht për punën e rrugës Hogosht-Lisockë, duhet një hetim, n’paqtë kush me iniciue e me hetu”, thotë jakupi. /32L ONLINE/