Në Kabash vazhdojnë punimet në infrastrukturë

Kryetari i Komunës së Vitisë, Sokol Haliti, ka bërë me dije se po vazhdojnë punimet infrastrukturore në fshatin Kabash. Aktualisht po realizohet pastrimi dhe rivitalizimi i kanaleve kulluese dhe përroskave, si dhe rregullimi i rrugëve në lagje.

Sipas tij, këto ndërhyrje kanë për qëllim përmirësimin e infrastrukturës lokale, funksionalizimin e rrjetit të kullimit të ujërave sipërfaqësore dhe krijimin e kushteve më të mira për qarkullim e jetesë të banorëve.

“Punimet po realizohen në kuadër të planit të rregullt të Komunës së Vitisë për mirëmbajtjen dhe zhvillimin e infrastrukturës në të gjitha vendbanimet, duke iu përgjigjur nevojave të qytetarëve”, ka thënë i pari i Komunës së Vitisë. /2LONLINE/