Në Kabash të Vitisë ka filluar projekti i vendosjes së rrethojave të shkollës

/2L ONLINE/ – Kryetari i Komunës së Vitisë, Sokol Haliti në një ceremoni rasti ka bërë sot inaugurimin e projektit për vendosjen e rrethojave në oborrin e shkollës fillore “ Ndre Mjeda” në Kabash të Vitisë. Në këtë ceremoni përpos banorëve të këtij lokaliteti dhe përfaqësuesve të Institucioneve Komunale ka marrë pjesë edhe Administratori i fshatit Kabash, Rrahman Misini si dhe Drejtoresha e kësaj shkolle, Nadire Ymeri.

Kryetari i Komunës së Vitisë, Sokol Haliti ndër tjerash ka folur edhe për projektet e tjera të cilat do të realizohen në këtë fshat duke përmendur edhe ato në fushën e Infrastrukturës. Ndërkaq Drejtoresha Ymeri, falënderoj Institucionet Komunale të Vitisë, për këtë projekt duke theksuar vendosja e rrethojave ka një rëndësi të veçantë për sigurinë e nxënësve të kësaj shkolle. /2L ONLINE/