Në Gjilan po mbahet konferenca e II-të shkencore regjionale

(2L ONLINE) – Nën organizimin e Institutit për Studime Ligjore dhe Demokratike, ka nisur sot në Gjilan konferenca e II-të Shkencore Regjionale (Kosovë, Shqipëri, Maqedoni, Serbi, Mali i Zi) me temën “Sundimi i ligjit, siguria publike faktor ndikues për bashkëpunim ekonomik rajonal”, në të cilën ka marrë pjesë nënkryetari i Komunës, Rexhep Kadriu, kryesuesja Valentina Bunjaku Rexhepi, si dhe përfaqësues të jetës institucionale e universitare.

Në fjalën përshëndetëse, kryetari i ISLD-së, Flamur Hyseni, ka falënderuar kryetarin e Komunës së Gjilanit, Lutfi Hazirin, për përkrahjen e vazhdueshme që ia ka dhënë organizimeve të institutit në fjalë, siç është edhe kjo tryezë shkencore.

Ai tha se tema është i nderuar për praninë e një numri kaq të madh në këtë tryezë kaq të madhe shkencore me temën mjaft të ndjeshme “Sundimi i ligjit, siguria publike faktor ndikues për bashkëpunim ekonomik rajonal”.

Në emër të kryetarit Lutfi Haziri, një fjalë rasti pati nënkryetari Rexhep Kadriu, i cili është shprehur se ndihet i privilegjuar që sot në Gjilan po mbahet kjo konferencë shkencore, e cila po bëhet tradicionale dhe më një përfshirje të gjerë në shumë aspekte.

“Tema e zgjedhur është shumë qenësore për një shtet të ri demokratik. Duhet theksuar se pa sundimin e ligjit dhe sigurisë publike nuk mund të ketë zhvillim sepse siguria është mbështetëse dhe nxitëse e zhvillimit ekonomik. Falënderoj ISLD-në që po bënë një punë të jashtëzakonshme, ku sot po e lason librin “Reforma”. Ju dëshiroj një konferencë të mirë dhe ju falënderoj për kontributin tuaj që do ta jepni sot për sundimin e ligjit dhe sigurisë publike e cila ka impakt të drejtpërdrejt në ekonomi”, ka thënë nënkryetari Kadriu.

Konferenca po i vazhdon punimet me kontributet e të pranishme të tjerë nga shtetet e rajonit. /2L ONLINE/