/2L ONLINE/ – Gjilani i është bashkangjitur sot eventit global “Ora e Kodimit”, i cili implementohet në 180 shtete të botës dhe në të cilin marrin pjesë mbi 100 milionë njerëz, përfshirë edhe edhe presidentin e SHBA-ve, Barack Obama, themeluesin e rrejtit social Facebook, Mark Zuckenberg etj.
“Orën e Kodimit” e cila ka nisur në shkollën e mesme të gjimnazit “Xhavit Ahmeti” dhe që implementohet nga “Almooc”, e ka mbështetur kryetari i Komunës së Gjilanit, Lutfi Haziri, i cili edhe ishte pjesëmarrës në këtë ngjarje në mesin e shumë të rinjve, koderë gjilanas.
Armend Ukshini, përfaqësues nga “Almooc”, është shprehur se “Ora e Kodimit” është një mundësi e jashtëzakonshme që ky mësim të nxitet tek të rinjtë, për të shtuar se është një rrotë e madhe po lëviz në drejtim të shkencave kompjuterike.
Nga ana e tij, kryetari Haziri tha se Gjilani është Komuna e parë që e ka nënshkruar marrëveshjen me “Almooc”, në kuadër të përpjekjeve të Komunës tona për të pasur qasje sa më shumë në teknologji informative.
“Jam i nderuar që marrë pjesë në këtë iniciativë globale. Ne i kemi përzgjedhur që gjimnazistët të jenë pjesë e saj, në kuadër të përpjekjeve tona për të pasur qasje sa më shumë në teknologji informative, edhe si administratë edhe si Komunë. Gjilani është Komuna e parë që e ka nënshkruar marrëveshjen me “Almooc” dhe ne jemi partner aktiv i tyre. Duke u bërë pjesë e kësaj iniciative, besoj shumë që do të jeni pjesë e IT në nivel global. Sot, ai që s’di ta përdorë teknologjinë njihet si analfabet sepse nuk ka qasje në informacionet globale”, tha Haziri.
Më pas, në mesin e shumë të rinjve gjimnazistë, koder është bërë edhe kryetari Haziri, i cili edhe është certifikuar në fund nga “Almooc”./2L ONLINE/