Në Gjilan do të organizohet panairi tradicional me moton “Nënat Tona”

Për nder të festave të 7 Marsit-Dita e Mësuesit dhe 8 Marsit-Dita e Gruas, Drejtoria për Zhvillim Ekonomik e Komunës së Gjilanit në bashkëpunim me organizatën OJQ “Gruaja Hyjnore” ne sheshin “Rexhep Mala dhe Nuhi Berisha” organizojnë panairin tradicional me moton “Nënat Tona”.

Panairi ka për qëllim prezantimin e punimeve artizanale si veshje kombëtare, produkte ushqimore tradicionale të punuara dhe të gatuara nga gratë ndërmarrëse të qytetit të Gjilanit.

Ky panairi do të jetë dy ditor, i cili do të jetë i hapur me datat 7-8 Mars në sheshin “Rexhep Mala dhe Nuhi Berisha”, Gjilan.

Drejtoria për Zhvillim Ekonomik fton të gjithë qytetarët e Komunës së Gjilanit të jenë e pjesë e këtij panairi ku do te shohin për së afërmi produktet vendore të punuara nga gratë ndërmarrëse të Komunës së Gjilanit. /2LONLINE/