Në Gjilan do të organizohet Karvani Shëndetësor “PërSHËNDETje”

“Me rastin e Ditës Botërore të Diabetit, KOPF, në bashkëpunim me Drejtorinë për Shëndetësi të Komunës së Gjilanit dhe QKMF-në në Gjilan, organizon Karvanin Shëndetësor “PërSHËNDETje”, me qëllim rritjen e ndërgjegjësimit për diabetin, parandalimin e tij dhe promovimin e një stili të shëndetshëm jetese”, ”, thuhet në njoftimin e Qendrës  Kryesore të Mjekësisë Familjare në Gjilan .

Shërbime falas për qytetarët:

* Matja e nivelit të sheqerit në gjak (glukozës).

* Matja e tensionit të gjakut.

* Matja e peshës dhe gjatësisë trupore dhe llogaritja e indeksit të masës trupore (BMI).

* Këshillim profesional për parandalimin dhe menaxhimin e diabetit.

* Informim mbi ushqyerjen e shëndetshme, aktivitetin fizik dhe kontrollin e faktorëve të rrezikut.

E mërkurë, 11 nëntor 2026

Ora: 11:00–14:00

Vendi: Sheshi “Rexhep Mala”, Gjilan

“Në rast reshjesh, aktiviteti do të zhvillohet në sallën e SHFMU-së “Thimi Mitko”. Bashkë për parandalimin e diabetit dhe për një komunitet më të shëndetshëm”, thuhet në njoftimin e Qendrës  Kryesore të Mjekësisë Familjare në Gjilan.  /2LONLINE/