Në Gjilan arrestohen dy të dyshuar për një rast “Grabitje”
Drejtoria Rajonale e Policisë, Stacioni Policor në Gjilan me datë: 09.07.2023 rreth orës 04:00 të mëngjesit është informuar për një rast grabitje i ndodhur në rrugën ,,Fehmi Agani’’ në Gjilan.
Njësitet policore relevante kanë dalë në vendin e ngjarjes dhe në bazë të hetimeve preliminare dyshohet se persona të maskuar, kanë hyrë në shtëpinë e viktimës i moshës rreth 81 vjeç shtetas i Kosovës të cilin e kanë sulmuar duke i shkaktuar lëndime trupore. Viktima i lënduar ishte gjete nga fqinjët e tij dhe me urgjencë është dërguar në spital për ndihmë mjekësore. Me këtë rast ati i ishin grabitë dy telefona mobil dhe shtatëdhjetë (70) euro.
Hetuesit policor nga Stacioni Policor i Gjilanit pas një pune mirë të organizuar dhe informatave të pranuara përmes rrugëve operative kanë arrit sot me datë: 10 korrik 2023 që ti lokalizojnë dhe rrjedhimisht ti arrestojnë dy të dyshuar shtetas të Kosovës një burrë (2003) dhe një grua (2004), ndërsa personi i tretë i cili dyshohet të jetë i përfshirë në këtë rast i njohur për policinë është në kërkim.
Nga hetimet e para dyshohet se e dyshuara ka qenë e angazhuar për tu kujdes për viktimën e moshuar.
Të dyshuarit pas arrestimit janë intervistuar në bazë të procedurave ligjore. Prokurori i Shtetit është njoftuar për rastin dhe të njëjtin e ka cilësuar si grabitje.
Me vendim të prokurorit të shtetit ndaj dy të dyshuarve është caktuar masa e ndalimit për 48 orë. Rrethanat e këtij rasti po hetohen nga Stacioni Policor në Gjilan. /2LONLINE/