Në Fshatin e Ri fillojnë punimet në asfaltimin e rrugës “Luftëtaret”
/2L ONLINE/ – Në Fshatin e Ri të Vitisë, ka filluar sot, asfaltimi i rrugës “Luftëtarët”. Me këtë rast zv. Kryetari i Komunës së Vitisë, Hasan Aliu i shoqëruar nga kryesuesi i Kuvendit Komunal të Vitisë, Naim Pira dhe të tjerë kanë inspektuar punimet që po bëhen në asfaltimin e kësaj rruge ku edhe u pritën nga banorët e këtij lokaliteti të cilët i falënderuan institucionet komunal për këtë investim.
Zv. Kryetari i Komunës së Vitisë, Hasan Aliu ndër tjerash tha se ky projekt po realizohet me paratë e buxhetit komunal të Vitisë dhe është në vazhdën e projekteve që po realizohen në asfaltimin e rrugëve rurale.
”Ky projekt është në kuadër të asfaltimit të rrugëve rurale dhe gradualisht po përfundojnë edhe projektet në asfaltimin e rrugëve në lagjet e komunës së Vitisë, besoj se punët që do të bëhen sivjet dhe vitin e ardhshëm çdo shtëpi do të ketë asfaltuar rrugën pasi që kjo është shumë elementare për qytetarët tanë”,u shpreh Aliu.
Përparim Sadiku, banorë i këtij fshati tha asfaltimi i kësaj rruge është edhe kërkesë e këtyre banorëve e cila është realizuar falë kryetarit të komunës së Vitisë, Sokol Haliti me bashkëpunëtorë si dhe u shpreh i kënaqur me punimet që janë duke u zhvilluar. Ai tha se asfaltimi i kësaj rruge po krijon një infrastrukturë e mirë për jetë të këtyre banorëve. /2L ONLINE/
