Në fokus të takimit, problemet e qytetarëve të dëbuar nga Kosova Lindore

/2L ONLINE/ -Koordinatorja e Zyrës për Preshevë, Bujanoc dhe Medvegjë Gentiana Shabani ka pritur në zyrën e saj zv.kryetarin e Komunës së Preshevës z. Xhelal Memetin. Koordinatorja Shabani e ka inforomuar në detaje zv.kryetarin Memeti për problemet e qytetarëve të dëbuar nga Kosova Lindore, të cilët jetojnë në Kosovë konkretisht në Komunën e Gjilanit, për aktivitetet e Zyrës për Preshevë, Bujanoc dhe Medvegjë të cilat janë bërë deri më tani duke kërkuar nga ai bashkëpunim në të gjitha sferat si: në kulturë, arsim, ekonomi, sport si dhe të gjitha sferat e jetës ku atakohen qytetarët e Kosovës Lindore.

Ajo e shpreh e brengosur në lidhje me pasivizimin e vendbanimeve që po u bëhen qytetarëve të Kosovës Lindore nga Republika e Serbisë, duke kërkuar nga ai angazhim më të madh në këtë drejtim, për gjejten e zgjidhjes së këtij problemi që po i prek qytetarët tanë.

Zv.kryetari Memeti duke i ururar për punën dhe angazhimin e koordinatores në Zyrën për Preshevë, Bujanoc dhe Medvegjë, njëkohësisht u shpreh i gatshëm për ofrimin e bashkëpunimit të plotë në realizimin e qëllimeve të përbashkëta për jetesë sa më të mirë të qytetarëve të Kosovës Lindore dhe atyre të cilët jetojnë në Republikën e Kosovës.

Në fund të takimit, bashkarisht u dakorduan që bashkëpunimi në mes të Komunës së Gjilanit dhe Komunës së Preshevës të jetë bashkëpunim i vazhdueshëm dhe më konkret në të gjitha sferat e jetës. /2L ONLINE/