Autoritetet policore kanë bërë me dije se në dy raste të ndara, Policia e Kosovës, ka arrestuar dy të dyshuar për veprën penale: “organizim i skemave piramidale”.
Të dyja këto raste janë regjistruar në Gjilan, njëra në rrugën “Xheladin Kurbaliu” dhe tjetra në rrugën “Mërgimtarët e Gjilanit”, ku janë arrestuar këta dy të dyshuar pasi në lokalet e tyre kanë organizuar lojëra të fatit-bixhoz.
Ja njoftimi i plotë i policisë:
ORGANIZIM I SKEMAVE PIRAMIDALE
· Rr. Xheladin Kurbaliu, Gjilan, 28.12.2021-18:00. Është arrestuar i dyshuari mashkull kosovar pasi që në lokalin e tij kishte organizuar lojëra të fatit-bixhoz. Janë konfiskuar 295.60 euro para të gatshëm, dhe dy telefona. Me vendim të prokurorit i dyshuari është dërguar ne mbajtje.
· Rr. Mërgimtarët e Gjilanit ,Gjilan, 28.12.2021-18:00. Është arrestuar i dyshuari mashkull kosovar pasi që në lokalin e tij kishte organizuar lojëra të fatit-bixhoz. Janë konfiskuar 300 euro para të gatshëm, dhe një telefon. Me vendim të prokurorit i dyshuari është dërguar ne mbajtje. /2LONLINE/
